Home / عشق مرشدکی آخری قسط کسی سینمامیں لگےگی؟

عشق مرشدکی آخری قسط کسی سینمامیں لگےگی؟

Ishq Murshid Last Episode in Cinemas

ویب ڈیسک ۔۔ کامیاب ڈرامہ سیریز عشق مرشد کے مداحوں کے لیے خوشخبری! ہم ٹی وی نے اعلان کیا ہے کہ ان کےبے حد مقبول ڈرامےکی آخری میگاگرینڈقسط 3مئی کوپاکستان بھرکے سینما گھروں میں دکھائی جائے گی۔ ہم ٹی وی کاکہناہےکہ عشق مرشدکی سینماوں میں دکھائی جانےوالی آخری قسط ناظرین کیلئےایک تحفہ ہوگی۔

آخری قسط کو کہاں دیکھنا ہے؟
چینل کی جانب سے ایک انسٹاگرام پوسٹ میں، یہ انکشاف کیا گیا کہ ڈرامےکی آخری قسط کو کراچی، لاہور، اسلام آباد سمیت بڑے شہروں کے متعدد سینما گھروں میں دکھایا جائے گا۔

عشق مرشدمیں دورفشاں سلیم اور بلال عباس خان نےمرکزی کردار ادا کیاہے۔ دونوں نے مقامی اور بین الاقوامی سطح پر کافی پذیرائی حاصل کی۔ متضاد پس منظر سے تعلق رکھنے والے دو افراد کی محبت کی کہانی کے گرد گھومنے والی اس سیریز نے دنیا بھر میں لاکھوں ناظرین کے دل موہ لئے ہیں۔ قابل ذکر بات یہ ہے کہ اس ڈرامےکواپنی بے پناہ مقبولیت کےباعث یوٹیوب پرلاکھوں مرتبہ دیکھاگیاہے۔

عبدالخالق خان اور عمران اشرف کی تحریر کردہ، اور فاروق رند کی ہدایت کاری میں بننے والےڈرامے عشق مرشد میں عمیر رانا، زرمینہ اکرام، سمیعہ ممتاز، اور دیگرمرکزی کاسٹ شامل ہیں۔ شاندارکہانی اورپھرشاندار پرفارمنس کےباعث عشق مرشدنےلاکھوں ناظرین کےدلوں میں اپنامقام بنایاہے۔

سنیما گھروں میں ٹیلی ویژن ڈراموں کی نمائش کوئی انوکھاکام نہیں۔ اس سے پہلےکئی دیگر مقبول سیریز اپنے فائنلز کو بڑی اسکرین پر نشر کر چکے ہیں۔ یہ رجحان، جس کی مثال صنف آہن، میرے پاس تم ہو، اور پریزاد جیسے ڈراموں سے ملتی ہے، مقبول ڈراموں کی بڑھتی ہوئی مانگ کی عکاسی کرتا ہے۔

یہ بھی چیک کریں

how much kapil sharma takes per episode?

کپل شرماکامعاوضہ آپ کوحیران کردےگا

ویب ڈیسک ۔۔ پرانی کہاوت ہےکہ جب اوپروالادیتاہےتوچھپرپھاڑکےدیتاہے۔ یہ کہاوت بھارت کےمعروف کامیڈین کپل شرماپربالکل …