Home / بارٹرٹریڈ ۔۔ 57اشیاکی فہرست جاری

بارٹرٹریڈ ۔۔ 57اشیاکی فہرست جاری

Pakistan barter trade

ویب ڈیسک ۔۔ وزارت تجارت نےایران ،افغانستان اورروس کےساتھ پاکستان کی بارٹرٹریڈکیلئے57اشیاکی فہرست جاری کی ہے۔

حکومت نےان ملکوں کےساتھ بارٹرٹریڈکافیصلہ ایسےوقت میں کیاہےجب ملکی زرمبادلہ کےذخائرمیں پریشان کن حدتک کمی آئی ہےاوراس فیصلےکامقصدبھی ذرمبادلہ کےذخائرمیں اضافہ ہے۔ حکومت کی پالیسی کےتحت ایران اورروس کےساتھ صرف برآمدات ہی کی جاسکیں گی ۔

بارٹر سکیم کے تحت افغانستان کو جو اشیاء برآمد کی جا سکتی ہیں ان میں دودھ، کریم، انڈے، اناج، گوشت اور مچھلی کی مصنوعات۔ چاول، کنفیکشنری، بیکری کی اشیاء،دواسازی کی مصنوعات، ضروری تیل، پرفیوم، کاسمیٹکس، صابن،موبل آئل وغیرہ ، موم اور ماچس،چمڑہ رنگنےکی مصنوعات اورمتفرق کیمیکلزوغیرہ شامل ہیں۔

پلاسٹک، ربڑ کے سامان، تیار شدہ چمڑے اور چمڑے کے ملبوسات، لکڑی کا سامان، کاغذ اورپیپربورڈ، ٹیکسٹائل (انٹر میڈیٹس)، ریڈی میڈ گارمنٹس، ٹیکسٹائل سےمتعلق اشیا اور قالین، جوتے، لوہا اور سٹیل، تانبا اور اس کے سامان، اوزار اور کٹلری، بجلی کے پنکھے اور گھریلو آلات، برقی آلات، موٹرسائیکلیں اورٹریکٹر، آلات جراحی، فرنیچرکی اشیاء، اور کھیلوں کا سامان بھی کابل کو برآمد کیا جا سکتا ہے۔

اس کے ساتھ ساتھ افغانستان سے بارٹر سسٹم کے تحت جن اشیاء کی اجازت دی گئی ہے ان میں پھل اور میوے، سبزیاں اور دالیں، مصالحے، تیل کے بیج، معدنیات اور دھاتیں، کوئلہ اور اس کی مصنوعات، خام ربڑ کی اشیاء، کچی کھالیں، کپاس، لوہا اور سٹیل شامل ہیں۔

بارٹر سسٹم کے تحت ایران کو کوئی سامان برآمد کرنے کی اجازت نہیں ہے۔ صرف پھل، گری دار میوے اور سبزیاں، معدنیات اور دھاتیں، مصالحے، کوئلہ اور اس کی مصنوعات، پیٹرولیم خام تیل، ایل این جی اور ایل پی جی، متفرق کیمیائی مصنوعات، کھاد، بنیادی شکل میں پلاسٹک اور ربڑ کی اشیاء، کچی کھالیں اورکھالیں، خام اون، اشیاء ایران سے لوہا اور سٹیل درآمد کیا جا سکتا ہے۔

روس سے درآمد کرنے کی اجازت دی گئی اشیاء میں دالیں، گندم، کوئلہ اور اس کی مصنوعات، پٹرولیم تیل (بشمول خام)، ایل این جی اور ایل پی جی، کھاد، ٹیننگ اور ڈائنگ ایکسٹریکٹ، بنیادی شکل میں پلاسٹک اور ربڑ کی اشیاء، معدنیات اور دھاتیں، لکڑی اور کاغذ۔ کیمیکل مصنوعات، لوہا اور سٹیل، اور ٹیکسٹائل صنعتی مشینری شامل ہیں ۔

یہ بھی چیک کریں

registration of traders, shopkeepers

تاجروں اوردکانداروں کی لازمی رجسٹریشن

ویب ڈیسک ۔۔ ٹیکس نیٹ میں اضافےکیلئےایف بی آرکابڑااقدام ۔ دکانداروں اورتاجروں کو ٹیکس نیٹ …