ویب ڈیسک ۔۔ تحریک انصاف حکومت نےالیکشن کمیشن آف پاکستان سے استعفیٰ کا مطالبہ کردیا۔ وفاقی وزراء شبلی فراز اور فواد چوہدری کے ساتھ پریس کانفرنس کرتے ہوئے وفاقی وزیر تعلیم شفقت محمودکاکہناتھاکہ الیکشن کمیشن ناکام ہو چکا،اسے جس نیوٹرل ایمپائر کا کرداراداکرناچاہیے،وہ نہیں کرپارہا،اس لیےچیف الیکشن کمشنراورتمام ممبران اجتماعی استعفےدیں۔۔
وفاقی وزیرشفقت محمودکےمطابق لوگوں کاالیکشن کمیشن پرسےاعتماداٹھ چکا ہے،اس لئےنیا الیکشن کمیشن بنناچاہیےجس پرسب کواعتماد ہو۔
انہوں نے مزید کہا کہ عام انتخابات ڈھائی سال بعد ہوں گے جب کہ ضمنی الیکشن ہوتے رہتے ہیں لیکن الیکشن کمیشن پر اعتماد ہونا چاہیے۔ تحریک انصاف قومی اسمبلی اور سینیٹ میں سب سے بڑی جماعت ہے اسے بھی الیکشن کمیشن پر اعتماد نہیں رہا۔ دیگرجماعتوں کےخیالات بھی الیکشن کمیشن کےبارےمیں تحریک انصاف جیسےہی ہیں۔
شفقت محمودنےکہاکہ الیکشن کمیشن سےانہوں نےمحض ایک سیاسی مطالبہ کیاہے،اس کاہرگزیہ مطلب نہیں کہ وہ الیکشن کمیشن کےخلاف کوئی ریفرنس دائرکرنےجارہےہیں۔