مجرموں کیخلاف خطرناک روبوٹ فورس تیار

ویب ڈیسک ۔۔ سان فرانسسکوپولیس ڈیپارٹمنٹ نےشہر کے بورڈ آف سپروائزرز سے مشتبہ افراد کوشوٹ کرنےکیلئےروبوٹ فورس تعینات کرنےکی اجازت مانگ لی ہے۔

حکام کےنام درخواست میں ایس ایف پی ڈی نےلکھاہےکہ روبوٹ فورس صرف ان خطرناک ملزموں کیلئےتعینات کی جائےگی جن سےپولیس والوں کی جان کوخطرہ لاحق ہوسکتاہے۔ اس لئےفورس کےبہترین لوگوں کوکھونےسےبہترہوگاکہ روبوٹ فورس تعینات کیاجائےتاکہ خطرناک مجرموں کےخلاف فورس کی کامیابیوں کویقینی بنایاجاسکے۔

سان فرانسسکوپولیس کی اس درخواست کوابتدائی طورپرسخت مخالفت کاسامناکرناپڑالیکن بعدبورڈآف سپروائزرزکی چئیرمین پیسکن نےاس کی حمایت کرتےہوئےکہاہےکہ ممکن ہےایسےحالات پیش آجائیں کہ جہاں ہمیں مہلک روبوٹک فورس کوتعینات کرناپڑے۔

سان فرانسسسکوپولیس کےپاس اس وقت ایک درجن کےقریب ریموٹ کنٹرول روبوٹس ہیں جوعام طور پر علاقے کے معائنے اور بم کو ناکارہ بنانے کے لیے استعمال ہوتے ہیں۔ واضح رہےکہ شہریوں کی اکثریت نےمشکوک افرادکوشوٹ کرنےوالی روبوٹ فورس کی تعیناتی کی مخالفت کی ہے۔