اپریل میں پاکستانی برآمدات کی اونچی اڑان

ویب ڈیسک ۔۔ مشیر تجارت عبدالرزاق داؤدکہتےہیں اپریل میں پاکستانی برآمدات 2 ارب 19 کروڑ ڈالر سے تجاوز کرگئیں۔

سماجی رابطے کی ویب سائٹ ٹویٹر پراپنی ٹویٹ شئیرکرتےہوئےمشیر تجارت کاکہناتھااپریل میں پاکستانی برآمدات 2 ارب 19 کروڑڈالرسے تجاوز کرگئیں، اور 2011 کے بعد پہلی بار 7 ماہ لگاتار ہر ماہ برآمدات 2 ارب ڈالر سے زائد رہیں، جب کہ گزشتہ سال اسی عرصہ کے مقابلے میں برآمدات میں 129 فیصد کا اضافہ ریکارڈ کیا گیا۔

عبدالرزاق داودکامزیدکہنا تھا کہ ہمارے برآمدکنندگان کو مشکل حالات میں برآمدات بڑھانے کا کریڈٹ جاتا ہے، گزشتہ مالی سال کے 10 ماہ میں برآمدات 18 ارب 40 کروڑ ڈالر تھیں، جب کہ جولائی تا اپریل 2021 میں برآمدات 13 فیصد اضافہ کے ساتھ 20 ارب 87 کروڑ ڈالر سے زائد رہیں۔