مسلمان خاتون کی بےحرمتی،وزیراعلیٰ بہارپرمقدمہ درج

Wednesday, 17 December 2025 | Web Desk

بھارتی کرکٹ ٹیم کے سابق کپتان اور کانگریس رہنما محمد اظہر الدین نے مسلمان خاتون ڈاکٹر کا نقاب کھینچنے پر بھارتی ریاست بہار کے وزیراعلیٰ نتیش کمارکےخلاف سخت کارروائی کامطالبہ کردیا۔

ریاست تلنگانہ کے وزیر برائے اقلیتی بہبود اظہر الدین نےنتیش کمارکےعمل کوبہت ہی بری اورجاہلانہ حرکت قراردیا، کہانتیش کمارنےجوکیااسےبیان کرنےکیلئےمیرے پاس الفاظ نہیں ۔

اظہر الدین نےکہاایک وزیراعلیٰ ہونے کے ناطے انہیں اس طرح کی حرکت نہیں کرنی چاہیے تھی۔ وزیراعلیٰ نتیش کمار کے خلاف اس معاملے میں سخت کارروائی ہونی چاہیے۔

گزشتہ روز بھارتی ریاست بہار کے شہر پٹنہ میں بی جے پی کے اتحادی بہار کے وزیر اعلیٰ نتیش کمار نے ایک تقریب میں مسلمان خاتون ڈاکٹر کا نقاب کھینچ کراتاردیاتھا۔

اس حرکت کےبعدنتیش کمارکوسوشل میڈیاپرسخت تنقیدکانشانہ بنایاگیا ۔ انسانی حقوق کی کارکن دپیکا پشکر ناتھ نے اسے جنسی ہراسانی کا سنگین واقعہ قرار دیا ۔

Just IN:— Indian Chief Minister Nitish Kumar forcibly pulls down the veil of a Muslim woman doctor while handing out appointment letter in a ceremony. pic.twitter.com/SCEeX6PCEc

— South Asia Index (@SouthAsiaIndex) December 15, 2025

مسلمان لیڈی ڈاکٹرخوف میں مبتلا

بھارتی ریاست بہار کے وزیرِ اعلیٰ نتیش کمار کی ہراسانی کا شکار خاتون ڈاکٹرکےبارےمیں رپورٹس آئی ہیں کہ وہ شدیدذہنی دباؤاور خوف میں مبتلا ہیں اورانہوں نےسرکاری ملازمت جوائن نہ کرنےکافیصلہ کیاہے۔۔

خاتون ڈاکٹر کے بھائی نےمیڈیاکوبتایاکہ بہن شدیدذہنی دباؤ کاشکارہیں اوراس واقعےکےبعدوہ سرکارکی نوکری نہیں کریں گی۔

نتیش کمارکےخلاف مقدمہ درج

دوسری جانب لکھنؤ میں سماجی وادی پارٹی کی رہنما سمیعہ رانا نےوزیراعلیٰ نتیش کمار کے خلاف مقدمہ درج کروا دیا۔ کہاسرکاری عہدے دار کی ایسی حرکت کا مطلب ہے وہ دیگر افراد کا حوصلہ بڑھا رہے ہیں۔

ایمنسٹی انٹرنیشنل کی تنقید

انسانی حقوق کی عالمی تنظیم ایمنسٹی انٹرنیشنل انڈیانےبھی نتیش کمارکےعمل کوشدیدتنقیدکانشانہ بنایا اورکہاکسی عوامی عہدے دار کی جانب سے کسی خاتون کا حجاب یا نقاب زبردستی ہٹانا عورت کی عزت، شناخت اور ذاتی آزادی پر سنگین حملہ ہے۔ ایسےاقدامات ناصرف خواتین کے بنیادی حقوق کی خلاف ورزی ہیں بلکہ معاشرے میں خوف اور عدم تحفظ کےماحول کوبھی فروغ دیتے ہیں۔