پی ٹی آئی انٹراپارٹی نظرثانی اپیل خارج

مانیٹرنگ ڈیسک ۔۔ سپریم کورٹ نے پی ٹی آئی انٹرا پارٹی الیکشن نظرثانی اپیل خارج کردی۔

عدالت عظمیٰ نےپی ٹی آئی کی درخواست خارج کرتےہوئے13جنوری کافیصلہ برقراررکھا۔ سپریم کورٹ نےکہافیصلےمیں کسی غلطی کی نشاندہی نہیں کی جاسکتی ۔

چیف جسٹس پاکستان قاضی فائز عیسیٰ کی سربراہی میں تین رکنی بینچ نے سماعت کی، بینچ میں جسٹس محمد علی مظہراورجسٹس مسرت ہلالی شامل تھے۔

کیس کی سماعت کےموقع پراس وقت عدالت میں عجیب صورتحال پیداہوگئی جب پی ٹی آئی کےوکیل حامدخان نےکہاکہ 26ویں ترمیم کی منظوری کےبعدیہ عدالت کیس نہیں سن سکتی ۔ اس پرچیف جسٹس نےکہاابھی ہمارےپاس کچھ نہیں،جب تک ترمیم آئین کاحصہ نہیں بن جاتی اس وقت تک سب پہلےجیساہی ہے۔

حامدخان ایڈووکیٹ نےکہامیری بات لکھئےکہ میں ایک متعصب جج کےسامنےدلائل دینےسےانکارکرتاہوں۔ چیف جسٹس نےکہامیں آپ کومجبورنہیں کرسکتا۔