شہبازحکومت 18ماہ تک چلےگی: فچ

مانیٹرنگ ڈیسک ۔۔ دنیابھرمیں ملکوں کی معاشی درجہ بندی کرنےوالےمعروف ادارےفچ نےاپنی رپورٹ میں پیشگوئی کی ہےکہ موجودہ شہبازشریف حکومت 18ماہ میں ختم ہوجائےگی اوراگرایساہوتاہےتونئےانتخابات نہیں ہوں گےبلکہ ٹیکنوکریٹ ملک کی باگ ڈورسنبھالیں گے۔

الیکٹرانک میڈیاکی خبروں کےمطابق فچ نےاپنی رپورٹ میں مزیدکہاہےکہ بانی پی ٹی آئی عمران خان مستقبل قریب میں جیل ہی میں رہیں گےاوریہ کہ مختلف شہروں میں ہونےوالےمظاہرےمعاشی سرگرمیوں کومتاثرکرسکتےہیں ۔

فچ بزنس مانیٹر انٹرنیشنل نے پاکستان کنٹری رسک رپورٹ میں دعویٰ کیاہےکہ پاکستان کی معاشی بحالی کو نازک صورتحال کا سامنا ہےاورایسےمیں سیاسی عدم استحکام معیشت کو ڈی ریل کرسکتاہے۔

فچ کے مطابق پاکستان کی موجودہ حکومت نےاپنےلئےمشکل اہداف کاتعین کیا۔ مشکل معاشی فیصلےآئی ایم ایف کےساتھ پروگرام کی راہ ہموارکررہے ہیں۔ حکومت آئی ایم ایف کےساتھ مل کرمکمل معاشی اصلاحات کرےگی ۔

فچ نے اپنی رپورٹ میں یہ پیشگوئی بھی کی ہےکہ موجودہ سال کے اختتام تک ڈالر 290 روپے جبکہ 2025 میں 310 روپے تک جاسکتاہے۔