جنوبی پنجاب، بہاولپورصوبےپرراناثنااللہ کابڑابیان

Tuesday, 8 September 2026 | Web Desk

وزیراعظم کےسیاسی مشیررانا ثنا اللہ کہتےہیں جنوبی پنجاب اور بہاولپورصوبوں کیلئےپنجاب اسمبلی کی 10سال پہلےمنظورکی گئی قراردادیں اب بے کار ہو چکی ہیں۔

ایک نجی ٹی وی کوانٹرویومیں راناثنااللہ کاکہناتھاکہ جنوبی پنجاب اور بہاولپورصوبے کے حوالے سےجو قراردادیں پاس کی گئیں انہیں اب 10 سال ہوچکے، کسی اسمبلی کی میعاد کے اندر کسی قرارداد پر عمل نہ ہو سکے تو پھر یہ اگلی اسمبلی پر منحصر ہے کہ وہ اس بارے میں نئی قرارداد منظور کرتی ہے یا نہیں۔

راناثنااللہ نےایک سوال پرکہاکہ مسلم لیگ ن صوبوں کی بحث پریا تو خاموش ہے یا اس کا حصہ نہیں بننا چاہتی، اس پر بحث پارلیمنٹ میں ہی ہونی چاہیے جو اس بحث کیلئےاصلی فورم ہے۔

رانا ثنا اللہ نےمزیدکہاکہ وزیراعظم نے محسن نقوی کی زباں بندی نہیں کی، وہ جو چاہیں کہہ سکتےہیں مگر عوامی ریفرنڈم پارلیمنٹ کی منظوری سےآئین کے مطابق ہوگا کسی وزیر کے بیان پرنہیں۔