پاکستان میں ایرانی طیارےکی موجودگی گمراہ کن قرار

پاکستان نے نور خان ائیر بیس پر ایرانی طیاروں کی موجودگی کے حوالے سےسوشل میڈیاپرگردش کرنےوالی خبروں کو گمراہ کن اوربےبنیادقرار دیتے ہوئے مسترد کر دیا۔

دفترخارجہ نےایکس پرجاری بیان میں نورخان ائیر بیس پر ایرانی طیاروں کی موجودگی کےحوالے سے سی بی ایس نیوز کی رپورٹ کو گمراہ کن اور سنسنی خیز قرار دیتے ہوئے کہا کہ قیاس آرائیوں پرمبنی ایسےمن گھڑت بیانیےکامقصد علاقائی استحکام اورامن کے لیے جاری کوششوں کونقصان پہنچانا ہے۔

🔊PR No.1️⃣1️⃣6️⃣/2️⃣0️⃣2️⃣6️⃣

Official Response to CBS Report on Iranian Aircraft in Pakistan
🔗⬇️ pic.twitter.com/ZqJw28nNaK

— Ministry of Foreign Affairs – Pakistan (@ForeignOfficePk) May 12, 2026

دفتر خارجہ نےاپنےبیان میں واضح کیاکہ جنگ بندی کےبعد اوراسلام آباد مذاکرات کے ابتدائی مرحلے کےدوران سفارتی عملے،سکیورٹی ٹیموں اورمذاکراتی عملےکی آمدورفت کوآسان بنانےکیلئے ایران اور امریکاکے متعدد طیارے پاکستان پہنچے۔ مذاکرات کےخاتمےکےبعدبھی بعض طیارے اورمعاون عملہ مذاکرات کےاگلے دور کی توقع کےپیش نظرپاکستان میں ہی موجودرہا۔

اگرچہ باضابطہ مذاکرات دوبارہ شروع نہیں ہوئے،تاہم اعلیٰ سطح پرسفارتی روابط جاری ہیں، اسی تناظر میں ایرانی وزیر خارجہ کےاسلام آباد کےدوروں کو موجودہ انتظامی اورلاجسٹک سہولیات کےذریعےممکن بنایاگیا۔

پاکستان میں موجود ایرانی طیارہ جنگ بندی کے دوران آیااوراس کا کسی بھی فوجی ہنگامی صورتحال یا حفاظتی انتظامات سے کوئی لینادینانہیں۔