دہشت گردوں کےخلاف آپریشن،میجرعبداللہ شہید

ویب ڈیسک ۔۔ دھرتی کےایک اورسپوت نےدھرتی کیلئےجام شہادت نوش کرلیا۔

خیبر ڈسٹرکٹ کے علاقے شکاس میں دہشت گردوں کابہادری سےمقابل کرتےہوئےپاک فوج کےمیجر میاں عبداللہ شاہ شہید ہوگئے۔ فائرنگ کےتبادلےکےبعد3دہشت گردوں اور ان کے سہولت کاروں کو گرفتار کر لیا گیا۔

آئی ایس پی آر کے مطابق 5اور6جولائی کی درمیانی شب دہشت گردوں کی موجودگی کی اطلاع پر انٹیلی جنس پر مبنی آپریشن کیا گیا۔ دوران آپریشن میجر عبداللہ نےدہشت گردوں کے ایک گروہ کودیکھ لیا، جس کےبعددوطرفہ فائرنگ کاشدیدتبادلہ ہوااورآپریشن کی قیادت کرنے والے میجر میاں عبداللہ شاہ نےجان جان آفرین کےسپردکردی۔

آئی ایس پی آر کا کہنا ہے کہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں۔ پاک فوج کےافسران اورجوانوں کی ایسی قربانیاں ہمارے عزم کو مزید مضبوط کرتی ہیں۔