افغانستان دہشت گردی ایکسپورٹ کررہاہے: خواجہ آصف

Saturday, 07 February 2026 | Web Desk

وزیردفاع خواجہ آصف کہتےہیں ہندوستان کوجنگ میں شکست دی اوراب ان کی پراکسیزکوبھی شکست دیں گے۔

جیونیوزکےپروگرام آج شاہزیب خانزادہ کےساتھ میں بات کرتےہوئےخواجہ آصف نےکہاکہ ہماری مسلح افواج اورقانون نافذکرنےوالےادارےدہشت گردی کامقابلہ کررہےہیں ۔ ہماری انٹیلی جنس ایجنسیزبہت اچھاکام کررہی ہیں ۔ پاکستان جب ایک اکائی ہوکریہ جنگ لڑےگاتواسےختم کرنےمیں دیرنہیں لگےگی۔

ایک سوال کےجواب میں وزیردفاع نےکہا،ہم نےافغانستان کےساتھ بات چیت کادروازہ بندنہیں کیا ۔ افغان حکام کےساتھ ترکیہ اوردوحہ میں مذاکرات ہوئے ، ہمارےلوگ کابل بھی گئے لیکن اس کاکوئی فائدہ نہیں ہوا۔ کابل اورقندھارمیں ایک تقسیم ہے۔ افغان طالبان میں دھڑےبندی ہے۔ افغانستان میں دہشت گردوں کےمختلف گروہوں کااجتماع ہوچکاہے۔

خواجہ آصف نےکہاکہ افغان حکومت نےان دہشت گردوں سےآنکھیں بندکررکھی ہیں ۔ یہی وجہ ہےکہ یہ دہشت گردافغانستان میں پنپ رہےہیں اوردہشت گردی ایکسپورٹ بھی کررہےہیں ۔ اسلام آبادمیں خودکش حملہ کرنےوالےکی ذہن سازی بھی افغانستان میں کی گئی ۔

اسلام آبادخودکش حملہ آورکی شناخت سامنےآگئی

وزیردفاع کاکہناتھااسلام آبادپرایک منصوبہ بندی کےتحت حملہ کیاگیااورایسےوقت کیاگیاجب دوست ملک کےصدرآئےہوئےتھے۔ انہوں نےکہاکہ اسلام آبادکونشانہ بنانےکی ایک سمبولک ویلیوہے لیکن امیدہےہم جلدہم دہشت گردی کےعفریت پرقابوپالیں گے۔