لاہور،اسلام آبادمیں تعلیمی ادارےبند

ویب ڈیسک: بھارت کی جانب سے پاکستان پر میزائل حملوں کے بعد اسلام آباد کے ڈپٹی کمشنر نے اعلان کیا ہے کہ وفاقی دارالحکومت کے تمام سرکاری و نجی تعلیمی ادارے آج بند رہیں گے۔

دوسری جانب، بورڈ آف انٹرمیڈیٹ اینڈ سیکنڈری ایجوکیشن لاہور نے اعلان کیا ہے کہ انٹرمیڈیٹ پارٹ ٹو کا آج ہونے والا تھیوری امتحان اور میٹرک کا عملی امتحان ملتوی کر دیا گیا ہے۔

ترجمان لاہور بورڈ کے مطابق، آج کا تھیوری پیپر اسلامیات (اختیاری) اور پرنسپلز آف اکاؤنٹنگ تھا، جبکہ میٹرک کے طلباء کا کمپیوٹر سائنس کا عملی امتحان بھی آج شیڈول تھا۔

ترجمان نے مزید کہا کہ ان ملتوی شدہ امتحانات کا نیا شیڈول جلد جاری کیا جائے گا۔ طلباء، والدین اور متعلقہ افراد سے گزارش ہے کہ وہ تازہ ترین معلومات کے لیے بورڈ کی ویب سائٹ اور دیگر ذرائع سے رابطے میں رہیں۔