وزیراعظم کاقوم کواعتمادمیں لینےکافیصلہ ، سیاسی  قیادت کاشکریہ اداکیا

مانیٹرنگ ڈیسک: وزیراعظم شہبازشریف کاموجودہ صورتحال پرقوم کواعتمادمیں لینےکافیصلہ ۔۔ وزیراعظم آج شام قوم سےخطاب کریں گے۔۔بھارت پرکئےگئےپاکستانی حملےکےحوالےسےقوم کواعتمادمیں لیں گے۔۔

وزیراعظم شہباز شریف نے بھارتی حملوں کے نتیجے میں پاکستان کے کامیاب آپریشن پر  سیاسی قیادت سے رابطہ کیا اور قوم کو مبارکباد بھی پیش کی۔

وزیر اعظم شہباز شریف نے چیئرمین پی پی  بلاول بھٹو زرداری، جے یو آئی (ف) کے سربراہ مولانا فضل الرحمان، بیرسٹر گوہر، خالد مقبول ، حافظ نعیم، خالد مگسی اور چوہدری سالک  سے ٹیلی فونک رابطہ کیا ، سیاسی رہنماؤں کو بھارت کے خلاف جوابی کارروائی کے سلسلے میں اعتماد میں لیا۔

وزیراعظم شہباز شریف کا کہنا تھا ہے کہ ’ الحمدللہ افواج پاکستان نے مربوط طریقے سے طاقتور جواب دیا ہے، پہلگام واقعے پرحقائق جاننے کیلئے غیر جانبدارانہ تحقیقات کو بھارت نے ٹھکرا دیا،بھارت نے پاکستان پر میزائل اور ڈرون حملے کیے، ان جارحانہ اقدامات کے باوجود پاکستان نے انتہائی تحمل سے کام لیا۔

انہوں نے کہا بھارتی حملوں میں نہتے اور معصوم شہریوں کو نشانہ بنایا گیا۔ بھارت کی بلااشتعال کارروائیوں کا ہماری بہادر افواج نے بھرپور جواب دیا،آج ہم نے بھارت کو منہ توڑ جواب دیا ہے اور بے گناہوں کے خون کا بدلہ لے لیا ہے،اپنی افواج پر فخر ہے، آپ سمیت پوری قوم کو میں اس کامیاب آپریشن پر مبارکباد پیش کرتا ہوں۔۔

بعد ازاں  وزیراعظم شہبازشریف نے  ملکی سیاسی قیادت کے  واشگاف الفاظ میں ساتھ دینے پر اظہار تشکر کیا۔