حج 2025کیلئےسعودی عرب کی لازمی شرط

ویب ڈیسک: سعودی حکومت نے حج 2025 کے لیے میننجائٹس ویکسین کو لازمی قرار دے دیا۔

سعودی وزارت حج و عمرہ کے اعلان کے مطابق، حج میں شرکت کرنے والے تمام شہریوں اور غیرملکیوں کے لیے میننجائٹس ویکسینیشن لازم ہوگی۔ بغیر ویکسینیشن کے کسی بھی فرد کو حج کی اجازت نہیں دی جائے گی۔

سعودی وزارت حج و عمرہ کا مزید کہنا ہے کہ ویکسینیشن کے بغیر نہ تو حج پیکجز حاصل کیے جا سکیں گے اور نہ ہی رجسٹریشن ممکن ہوگی۔

سعودی حکام کے مطابق دوران حج متعدی بیماریوں کا پھیلاؤ روکنے کے لیے یہ اقدام وقت کی اہم ضرورت بن چکا ہے،جس پرسختی سےعملدرآمدکروایاجائےگا۔