سعودی عرب،جسم فروشی کےالزام میں50گرفتار

ویب ڈیسک: سعودی حکام نے جسم فروشی اور دیگر غیر اخلاقی جرائم میں ملوث 50 افراد کو گرفتار کر لیا، جن میں 11 خواتین بھی شامل ہیں۔

مساج پارلروں پر چھاپے، درجنوں غیر ملکی گرفتار

برطانوی اخبار فائنانشل ٹائمز کے مطابق، سعودی حکام نے درجنوں غیر ملکی شہریوں کو مساج پارلروں میں غیر اخلاقی سرگرمیوں کے الزام میں حراست میں لے لیا ہے۔ گرفتار شدگان پر جسم فروشی اور دیگر غیر قانونی سرگرمیوں میں ملوث ہونے کا شبہ ہے۔

بھیک مانگنے پر مجبور کرنے والا گروہ بھی گرفتار

علاوہ ازیں، سعودی حکام نے 14 یمنی شہریوں کو بھی گرفتار کیا ہے جو مبینہ طور پر خواتین اور بچوں کو بھیک مانگنے پر مجبور کر رہے تھے۔ حکام کا کہنا ہے کہ اس طرح کے جرائم کے خلاف سخت کارروائی جاری رہے گی۔

پہلے بھی ہو چکی ہیں گرفتاریاں

گزشتہ ماہ بھی سعودی پولیس نے ایک مساج پارلر میں غیر اخلاقی سرگرمیوں میں ملوث چار غیر ملکیوں کو گرفتار کیا تھا۔ سعودی حکومت نے غیر قانونی سرگرمیوں کے خلاف کریک ڈاؤن مزید سخت کر دیا ہے، اور متعلقہ ادارے اس معاملے پر مسلسل نظر رکھے ہوئے ہیں۔