مریم نوازنےمینارٹی کارڈزکااعلان کردیا

مانیٹرنگ ڈیسک ۔۔ وزیراعلیٰ پنجاب مریم نوازکہتی ہیں پاکستان میں رہنےوالی اقلیتوں کواقلیت نہیں کہناچاہئے۔ یہ پاکستان کےاتنےہی شہری ہیں جتنےکوئی اور۔

لاہورمیں دیوالی کی تقریب میں ہندوبرادری سےخطاب کرتےہوئےمریم نوازنےکہاپنجاب میں بسنےوالےمختلف قومیتوں سےتعلق رکھتےہیں ، یہ سب رنگ دیکھ کرانہیں بہت خوشی ہوتی ہے۔

مریم نوازنےکہاجہاں جہاں کسی اقلیتی برادری کوکوئی خطرہ ہوتاہےتوپولیس کوہدایت ہےکہ وہ فوری طوران کی مددکوپہنچیں اورانہیں محفوظ بنائے۔ کسی مسلمان کویہ حق نہیں کہ وہ یہاں بسنےوالی اقلیتوں کوکوئی تکلیف پہنچائے۔ اسلام اقلیتوں کےتحفظ کی مکمل ضمانت دیتاہے۔

مریم نوازنےدیوالی کےموقع پر14سوہندوخاندانوں کوفی خاندان 15ہزارروپےبطورعیدی دی ۔ دسمبرسےمینارٹی کارڈکولانچ کریں گے۔ اس میں تمام اقلیتوں کےنادارافرادکومینارٹی کارڈدیں گے۔اس کارڈکےتحت ہرتین ماہ بعدساڑھے10ہزارروپےدئیےجائیں گے۔

مریم نوازنےکہاوہ بھارتی پنجاب کےوزیراعلیٰ کوخط لکھیں تاکہ مل کراسموگ میں کمی کیلئےمشترکہ اقدامات کریں ۔ جب تک دونوں پنجاب مل کراس حوالےسےکام نہیں کریں گے،ہم اسموگ پرقابونہیں پاسکتے۔