ہزاروں دل جیتنےوالابرٹش پاکستانی ہیرو

Friday, 23 October 2026 | Web Desk

برطانوی ہارٹ سرجن ڈاکٹر آصف حسن کو 2026 کے ڈیلی مرر پرائیڈ آف برٹن ایوارڈز میں لائف ٹائم اچیومنٹ ایوارڈ سے نوازا گیا۔ لندن میں منعقدہ تقریب میں انہیں بچوں کے دل کی سرجری اور ٹرانسپلانٹ کے شعبے میں شاندار خدمات پر یہ اعزاز دیا گیا۔

Hero British Pakistani heart surgeon Arif Hassan wins lifetime achievement award. He performed more than 4,000 open-heart surgeries across the UK and saved thousands of lives. Now 70 years old, Mr Hasan has just retired after 35 years of service at the Freeman Hospital in Newcastle upon Tyne, but just after receiving his Lifetime Achievement Award. Video by @DailyMirror

— Murtaza Ali Shah (@MurtazaViews) October 23, 2026

ڈاکٹر آصف حسن اس سال کے آغاز میں نیو کیسل کے فری مین ہسپتال سے ریٹائر ہوگئے، جہاں انہوں نے تین دہائیوں سے زیادہ عرصہ دل کی پیچیدہ بیماریوں میں مبتلا بچوں کے علاج کے لیے وقف کیا۔ انہوں نے اپنے کیریئر میں 4,000 سے زیادہ اوپن ہارٹ آپریشن کیے، جن میں تقریباً 3,000 بطور لیڈ سرجن شامل ہیں۔

1995میں فری مین ہسپتال میں کنسلٹنٹ کارڈیوتھوراسک سرجن مقرر ہونے والے ڈاکٹر حسن نے بچوں کے ٹرانسپلانٹ پروگرام کی قیادت کی اور نیو کیسل کو بچوں کی دل کی نگہداشت کا بین الاقوامی مرکز بنانے میں اہم کردار ادا کیا۔ دل کی پیوند کاری اور مکینیکل دل کی معاونت میں ان کی پائنرنگ تحقیق نے مزید بچوں کو ڈونر دل کے انتظار میں زندہ رہنے میں مدد دی۔

ڈاکٹرحسن نےبچوں کی دیکھ بھال اور ان کے خاندانوں کی مدد کو ایک اعزاز قرار دیا اور اس کامیابی کا سہرا فری مین ہسپتال کی مخلص ٹیموں کو دیا۔