Home / دولت مشترکہ کھیل: پاکستان نےسونےاورکانسی کےمیڈل جیت لئے

دولت مشترکہ کھیل: پاکستان نےسونےاورکانسی کےمیڈل جیت لئے

Pakistan win gold in common wealth games

ویب ڈیسک ۔۔دولت مشترکہ کھیلوں 2022 میں شاہ حسین شاہ نے کانسی کا تمغہ جیت کر پاکستان کیلئےپہلا میڈل جیتااوراس کےبعدگوجرانوالہ سےتعلق رکھنےوالےنوح دستگیر بٹ نےویٹ لفٹنگ کےمقابلوں میں طلائی تمغہ جیت کرریکارڈتوڑڈالا۔

برطانوی شہر برمنگھم میں جاری کامن ویلتھ گیمز کے چھٹے روز دونوں نے پاکستان کے لیے پہلا طلائی اور کانسی کا تمغہ حاصل کیا۔

نوح دستگیر بٹ نے ویٹ لفٹنگ کے مقابلے میں مجموعی طور پر 405 کلو گرام وزن اٹھاکر گولڈ میڈل جیتا، 23 سالہ نوجوان نے 4 سال قبل آسٹریلیا کے گولڈ کوسٹ میں کامن ویلتھ گیمز کے گزشتہ ایڈیشن میں کانسی کا تمغہ جیتا تھا۔

نوح دستگیر نے مردوں کے پلس 109 کلو ویٹ لفٹنگ کے فائنل (اسنیچ) میں آغاز سے ہی طلائی تمغہ جیتنے کا عزم ظاہر کردیا تھا جب انہوں نے شروع سے ہی زبردست کارکردگی دکھائی اور پہلے 170 کلو وزن اٹھایا جبکہ دوسری کوشش میں اسے 173 کلو تک لے گئے۔

نیوزی لینڈ کے ڈیوڈ اینڈریو لیٹی 170 کلوگرام کے ساتھ دوسرے اور بھارت کے گُردیپ سنگھ اور گورڈن شا 167 کلوگرام کے ساتھ تیسرے نمبر پر رہے۔

اس کے بعد نوح دستگیر نے کلین اینڈ جرک سیشن میں بھی 232 کلو گرام وزن اٹھا کر میدان مارلیا، ان کی اسنیچ میں 173 جبکہ کلین اینڈ جرک میں 232کلو وزن کی لفٹس کامن ویلتھ گیمز کی پلس 109 ویٹ کیٹیگری کی ریکارڈ لفٹس ہیں۔

وزیر اعظم شہباز شریف نے نوح دستگیر بٹ کو ان کی اس کامیابی پر مبارک باد دیتے ہوئے اپنی ٹوئٹ میں لکھا کہ ‘ویل ڈن بٹ صاحب ‘۔

شجاع الدین ملک کے بعد نوح دستگیر پاکستان کے واحد ویٹ لفٹر ہیں جنہوں نے کامن ویلتھ گیمز میں گولڈ میڈل جیتا ہے، شجاع الدین ملک نے 2006 میں 85 کلوگرام کیٹیگری میں یہ کامیابی حاصل کی تھی۔

اس سےپہلے نوجوان جوڈوپلئیرشاہ حسین نے کوونٹری اسٹیڈیم میں جوڈو مقابلے میں مردوں کے 90 کلوگرام کیٹیگری میں کانسی کا تمغہ جیت کر پاکستان کا نام روشن کیا۔

پاکستان کے لیجنڈری باکسر حسین شاہ کے بیٹے 29 سالہ شاہ حسین نے کانسی کے تمغے کے مقابلے میں جنوبی افریقہ کے تھامس لاسزلو بریٹن باک کو ناقابل شکست اسکور بنا کر زیر کر لیا-

شاہ حسین شاہ نے دوسری مرتبہ کامن ویلتھ گیمز میں میڈل جیتا ہے، وہ اس سے قبل 2014 کے مقابلوں میں چاندی کا تمغہ جیت چکے ہیں۔

پاکستان سپورٹس بورڈنےنوح دستگیربٹ کیلئے50لاکھ جبکہ شاہ حسین کیلئے10لاکھ روپےانعام کااعلان کیاہے۔

یہ بھی چیک کریں

Sri Lanka win Asia Cup

سری لنکاچھٹی بارایشئین چیمپئن،پاکستان ہارگیا

مانیٹرنگ ڈیسک ۔۔ سری لنکاپاکستان کوہراکرچھٹی بارایشیا کپ کاایشین چیمپئن بن گیا۔ آوٹ آف فارم …