ایلون مسک نےٹویٹرخریدنےکیلئےبولی لگادی

ویب ڈیسک ۔۔ الیکٹرک کاریں بنانےوالی امریکی کمپنی ٹیسلااوراسپیس ایکس نامی خلائی کمپنی کےمالک ایلون مسک اپنی بزنس ایمپائرکووسعت دینےکاپروگرام بنارہےہیں اوراس مقصدکیلئےانہوں نےسماجی رابطےکی سب سےبڑی ویب سائٹ ٹویٹرکوخریدنےکیلئےبولی لگادی ہے۔

یوایس سکیوریٹیزاینڈایکسچینج کمیشن کےمطابق ایلون مسک نےٹویٹرکےعوض 43ارب ڈالرکی پیشکش کی ہے۔

بدھ کو ٹوئٹر کے چیئرمین بریٹ ٹیلر کو لکھے گئے خط میں مسک نے کہاکہ ٹویٹر میں غیر معمولی صلاحیت ہےاورمیں اس غیرمعمولی صلاحیت کوان لاک کروں گا۔ خط میں مسک کامزیدکہناتھاکہ $54.20 فی شیئرپیشکش ان کی طرف سےبہترین اورفائنل ہے۔

ٹویٹرکےمطابق ایلون مسک کی طرف سے کمپنی کے تمام بقایا مشترکہ اسٹاک کو حاصل کرنے کے لئےتجویز موصول ہوئی ہے۔ کمپنی اس تجویز کا بغور جائزہ لےکراپنےلائحہ عمل کافیصلہ کرےگی جوکمپنی اوراس کےتمام اسٹاک ہولڈرزکےبہترین مفادمیں ہوگا۔

مسک اس وقت ٹویٹرکے سب سے بڑے سٹاک ہولڈرہیں جنہوں نے اپریل کے شروع میں انکشاف کیا تھا کہ انہوں نےٹویٹرکمپنی میں 9.2 فیصد حصص جمع کر لیے ہیں۔

یادرہےکہ ٹیسلااوراسپیس ایکس کےمالک ایلون مسک اس وقت دنیا کے امیر ترین شخص ہیں، جن کی دولت کا تخمینہ 259بلین ڈالر ہے۔