پی ایس ایل- 7: ٹکٹوں کی فروخت،مکمل تفصیلات

ویب ڈیسک ۔۔ پاکستان سپر لیگ (پی ایس ایل) کے ٹکٹوں کی آن لائن فروخت آج دوپہر 3 بجے سے شروع ہوگئی ہے۔ کم از کم قیمت 500 روپے مقرر کی گئی ہے۔

ابتدائی راؤنڈ کے تمام میچوں کے لیے، کرکٹ کے شائقین 3 بجے کے بعد بک می ڈاٹ پی کے کے ذریعے ٹکٹ خرید سکتے ہیں۔ بورڈ نےپہلےآئیےپہلےپائیےکی بنیادپررعایتی قیمت پربھی ٹکٹوں کی پیشکش کی ہے۔

بورڈنے کووڈ قوانین کاخیال بھی رکھاہےکیونکہ ٹکٹوں کے لیے حفاظتی ٹیکوں کے سرٹیفکیٹ لازمی ہیں۔ ایک شناختی کارڈکوچھ ٹکٹ خریدنے کے لیے استعمال کیا جا سکتا ہے، اور ادائیگی کریڈٹ کارڈ، یا موبائل والیٹ کے ذریعے کی جا سکتی ہے۔

12سال سے زیادہ عمر کے شائقین کو مکمل طور پر ٹیکہ لگایا جانا چاہیے اور تمام ٹکٹ ہولڈرز کو داخلے کے وقت اپنے حفاظتی ٹیکوں کے سرٹیفکیٹ اور قومی شناختی کارڈ پیش کرنا چاہیے۔

کراچی کنگز اور ملتان سلطانز کے درمیان پہلے میچ کی قیمتیں وی آئی پی انکلوژر کے لیے 2500 روپے، پریمیم انکلوژر کے لیے 2000 روپے، فرسٹ کلاس انکلوژر کے لیے 1500 روپے اور جنرل انکلوژر کے لیے 500 روپےمقررکی گئی ہیں۔

فائنل کے ٹکٹ وی آئی پی انکلوژر کے لیے 4000 روپے، پریمیم انکلوژر کے لیے 3000 روپے، فرسٹ کلاس انکلوژر کے لیے 2500 روپے اور جنرل انکلوژر کے لیے 1500 روپے مقرر کیے گئے ہیں۔

24،23اور25 فروری کو شیڈول دیگر تین پلے آف کے لیے ٹکٹوں کی قیمتیں وی آئی پی انکلوژر کے لیے 3,000روپے، پریمیم انکلوژر کے لیے 2,500 روپے، فرسٹ کلاس انکلوژر کے لیے 2,000 روپے، اورجنرل انکلوژرکیلئے1,000روپے ہیں۔

شائقین وسیم اکرم اور وقار یونس انکلوژرز کے ٹکٹ بھی خرید سکتے ہیں، جنہیں قذافی اسٹیڈیم میں ہاسپیٹلٹی اسٹینڈز کا نام دیا گیا ہے۔ ان انکلوژرز کی قیمت 4,000سے 7,000 تک ہوتی ہے۔

پاکستان سپر لیگ کا ساتواں ایڈیشن 27 جنوری سے 27 فروری کے درمیان کراچی اور لاہور میں کھیلا جائے گا۔ پہلے 15 میچز کراچی کے نیشنل اسٹیڈیم میں ہوں گے۔ لیگ 10 فروری کو لاہور کے قذافی سٹیڈیم میں کھیلی جائے گی۔