کیش آن کاونٹرکی سہولت میں توسیع کامطالبہ

ویب ڈیسک ۔۔ تاجروں نے حکومت پر زور دیا ہے کہ افغانستان اور دیگر علاقائی ممالک کے ساتھ باہمی تجارت کو ہموار طریقے سے چلانے کے لیے کیش آن کاؤنٹر کی سہولت کو اگلے چھ ماہ تک بڑھایا جائے۔

سرحد چیمبر آف کامرس اینڈ انڈسٹری (ایس سی سی آئی) کی ڈرائی پورٹس، پاکستان ریلویز اور لینڈ روٹ ایکسپورٹ سے متعلق قائمہ کمیٹیوں کے جمعرات کو ہونے والے اجلاس میں، تاجروں نےمطالبہ کیاکہ اسٹیٹ بینک کےفیصلےکی روشنی میں سرحدوں پر کرنسی ڈیکلریشن پالیسی نافذ کی جائے۔

تاجروں نےاس بات پربھی تشویش کااظہارکیاکہ حکومت کا کابل کے ساتھ تجارت کی مقدار بڑھانے کے لیے مقامی کرنسی میں افغانستان کو برآمدی اشیاء کی تعداد چار سے بڑھا کر 16 کرنے کا فیصلہ ابھی تک عمل میں نہیں آیا،جس کے نتیجے میں پڑوسی ملک کے ساتھ ہموار باہمی تجارت کی راہ میں رکاوٹیں پیدا ہو رہی ہیں۔

برآمدکنندگان کیلئےبڑی سہولت کااعلان ۔۔۔

اس موقع پر، ایس سی سی آئی کی قائمہ کمیٹی برائے پاکستان ریلویز اور ڈرائی پورٹس کے چیئرمین ضیاء الحق سرحدی نے حکومت پر زور دیا کہ وہ گڈز ان ٹرانزٹ ٹو افغانستان (جی آئی ٹی اے) سروس کو بحال کرے اور پشاور سے برآمدی کارگو ٹرین کوبحال کرے۔

انہوں نےزوردیا کہ تاجروں کے مسائل کےحل کےلیےسنجیدہ اقدامات کیےجائیں۔

انہوں نےکہاکہ پشاور سے مال بردار ٹرین کی بندش سے نہ صرف پاکستان ریلویز کو بھاری ریونیو کا نقصان ہورہاہے بلکہ تاجروں کے لیے بھی مشکلات پیداہورہی ہیں۔