پاکستان سپرلیگ کی آن لائن ٹکٹوں کی فروخت شروع

ویب ڈیسک: ایچ بی ایل پی ایس ایل 10 کے آن لائن ٹکٹوں کی فروخت آج سہ پہر 3 بجے (پاکستانی وقت) باضابطہ طور پر شروع ہو گئی۔ مقبول ٹورنامنٹ 11 اپریل سے آغاز کی جانب بڑھ رہا ہے۔

چھ ٹیموں پر مشتمل یہ لیگ ملک کے چار بڑے شہروں — کراچی، لاہور، ملتان اور راولپنڈی — میں کھیلی جائے گی، جبکہ فائنل میچ 18 مئی کو لاہور کے قذافی اسٹیڈیم میں ہوگا۔ 37 دنوں پر مشتمل اس ایونٹ میں کل 34 میچز کھیلے جائیں گے۔

شائقین ٹکٹوں کی خریداری کے لیے آفیشل آن لائن پلیٹ فارم کا استعمال کر سکتے ہیں۔

اس کے علاوہ، فزیکل ٹکٹیں پیر، 7 اپریل کو شام 4 بجے سے ملک بھر کے منتخب ٹی سی ایس ایکسپریس سینٹرز پر دستیاب ہوں گی۔

آن لائن ٹکٹ بک کرنے والے افراد اپنے ٹکٹ ٹی سی ایس پک اپ سینٹرز سے حاصل کر سکتے ہیں یا گھر پر ڈیلیوری کا آپشن بھی منتخب کر سکتے ہیں۔

شائقین کو مزید محظوظ کرنے اور میچ ڈے کا تجربہ یادگار بنانے کے لیے پی سی بی ہر میچ میں ایک خصوصی ٹکٹ ریفل متعارف کروا رہا ہے، جس میں موٹر سائیکل، اسمارٹ فونز اور گفٹ ہیمپرز جیسے دلچسپ انعامات جیتنے کا موقع ہوگا۔

ٹکٹ ریفل کے طریقہ کار سے متعلق مزید تفصیلات جلد جاری کی جائیں گی۔