پی کےایل آئی:سویپ پروگرام کےتحت جگرکی پہلی پیوندکاری

ویب ڈیسک ۔۔ پاکستان کڈنی اینڈ لیور انسٹی ٹیوٹ (پی کےایل آئی) کے ڈاکٹروں نے جمعرات کو ‘سویپ ٹرانسپلانٹ پروگرام’ کے تحت تین مریضوں کے جگر کی پہلی پیوند کاری کی۔

ادارےکی جانب سےکامیاب آپریشن کی تصدیق کی گئی ہےاور تمام مریضوں کو انتہائی نگہداشت یونٹوں میں منتقل کر دیا گیا ہے۔ یہ آپریشن سویپ ٹرانسپلانٹ پالیسی کے تحت کیے گئے جس میں وصول کنندگان اور عطیہ دہندگان کی شناخت کوظاہرنہیں کیا گیا تھا۔

پی کے ایل آئی کے ڈین پروفیسر فیصل ڈار کی سربراہی میں سرجنوں کی ایک اعلیٰ تربیت یافتہ ٹیم نے انسٹی ٹیوٹ میں جگر کی پیوند کاری کی اور دیگر اراکین میں لیور ٹرانسپلانٹ ہیپاٹوبیلیری اینڈ لبلبے کی سرجری کے چیئرمین اور پروگرام ڈائریکٹر ڈاکٹر احسان الحق اور کنسلٹنٹس ڈاکٹرسہیل رشید، ڈاکٹر یاسرخان اورڈاکٹر سراج حیدرشامل ہیں۔

پنجاب ہیومن آرگن ٹرانسپلانٹ اتھارٹی نے اعضاء کی اسمگلنگ کو روکنے کے لیے مریضوں کو غیر متعلقہ عطیہ دہندگان (خون کے رشتوں سے باہر) سے اعضاء تک رسائی کی اجازت دینے کے لیے پہلے ہی سویپ ٹرانسپلانٹ پلان کی منظوری دے دی تھی۔