یواےای گولڈن ویزاکےخواہشمندوں کیلئےاہم خبر

ویب ڈیسک ۔۔ متحدہ عرب امارات نےاپنےسب سےزیادہ پرکشش 10سالہ گولڈن ویزاکیلئےاینٹری پرمٹ فیس کواپ ڈیٹ کردیاہے۔

یواےای فیڈرل اتھارٹی برائے شناخت،شہریت،کسٹمزاورپورٹ سیکیورٹی (آئی سی پی) نے چھ ماہ کے داخلے کے اجازت نامے کی لاگت کو 1,250درہم کردیا ہے۔

الخلیج نے رپورٹ کیا کہ چارجز میں پرمٹ جاری کرنے کی فیس کے لیے 1,000درہم، درخواست کی فیس 100درہم، سمارٹ سروسزکیلئے100درہم،الیکٹرانک سروسزکیلئے28درہم اورآئی سی پی کیلئےدرہم 22 شامل ہیں۔

واضح رہے کہ درخواست کے ساتھ دستاویزات بشمول پاسپورٹ، ایک رنگین تصویراوراہلیت کا ثبوت پیش کرنا ضروری ہے۔

یواےای گولڈن ویزا سرمایہ کاروں، کاروباری افراد، غیر معمولی ہنرمندوں، سائنسدانوں اورپیشہ ورافراد،قابل طلبہ اورگریجویٹس، انسانی ہمدردی کےعلمبرداروں اورصف اول کےہیروزکو 10 سالہ رہائش فراہم کرتا ہے۔

گولڈن ویزا ہولڈر6 ماہ سے زیادہ متحدہ عرب امارات سے باہربھی رہ سکتا ہےاوروہ شوہراوربچوں سمیت خاندان کے افراد کے لیے رہائشی اجازت نامہ حاصل کرنے کا حقدارہے۔

ایسا لگتا ہے کہ متحدہ عرب امارات کے گولڈن ویزا نے امارات کو توجہ کا مرکز بنا دیا ہے کیونکہ ہر گزرتے دن کے ساتھ اس کی مانگ بڑھ رہی ہے۔ گولڈن ویزا اپنی نوعیت میں سے ایک ہے کیونکہ اس کے فوائد فوری طور پر خاندان کے افراد تک پہنچتے ہیں۔

گولڈن ویزاکے تحت، بچوں کو25سال کی عمرتک گولڈن ویزایاگرین ریذیڈنس ویزا ہولڈر کے ذریعے کفیل کیا جا سکتا ہے (پہلے عمر کی حد 18 سال تھی) بغیر شادی شدہ بیٹیوں کے لیے عمر کی کوئی حد نہیں۔

گولڈن ویزادنیابھرکے کارکنوں کو بھی اپنی طرف متوجہ کر رہا ہے کیونکہ کچھ کردکھانےکےعزم کے حامل افراد کو ان کی عمر سے قطع نظر رہائشی اجازت نامہ دیا جاتا ہے۔

یواےای گولڈن ویزا ریزیڈنسی پروگرام غیر ملکیوں کو قومی کفیل کی ضرورت کے بغیر امارات میں رہنے، کام کرنے اور مطالعہ کرنے کے قابل بناتا ہے اوریواےای کی سرزمین پر اپنے کاروبار کی 100 فیصد ملکیت کے ساتھ۔