ایف بی آرنےانکم ٹیکس قواعدمیں ترمیم کردی

ویب ڈیسک ۔۔ فیڈرل بورڈ آف ریونیو(ایف بی آر) نے انکم ٹیکس قواعد2002میں ترمیم کردی۔ اب ایکٹوٹیکس پیئرزکاڈیٹاروزانہ کی بنیادپراپ ڈیٹ کیاجائےگا۔

ایف بی آر اعلامیے کے مطابق ٹیکس سال 2024 کا گوشوارہ مقررہ مدت میں جمع کرانے والے ٹیکس دہندگان کو فوری طور پر ایکٹیو ٹیکس پیئرز لسٹ میں شامل کر دیا جائے گا جبکہ مقررہ تاریخ کے بعد
گوشوارے جمع کرانے پر ایکٹیو ٹیکس پیئرز لسٹ میں شامل ہونے کے لئے سرچارج ادا کرنا ہوگا۔

اعلامیےکےمطابق یہ ترامیم ایف بی آرآپریشنز کی شفافیت اورکارکردگی کو بہتر بنانےکیلئےکی گئی ہیں ۔ ایف بی آرحکام کاکہناہےٹیکس دہندگان اور تمام اسٹیک ہولڈرزکوسہولیات فراہم کرنے کے لیے پرعزم ہیں۔۔