Home / ذیشان شاہ — برطانوی سرزمین پرپاکستان کافخر

ذیشان شاہ — برطانوی سرزمین پرپاکستان کافخر

Asian Achievers Awards

ویب ڈیسک ۔۔ ہرسال کی طرح اس سال بھی "21 ویں ایشین اچیورزایوارڈز”کےبینرتلےایک شاندارتقریب منعقدکی جارہی ہےجس میں جنوبی ایشیائی ٹیلنٹ اورمختلف شعبوں میں ان کی نمایاں کامیابیوں کوشایان شان طریقےسےسیلیبریٹ کیاجائےگا۔

اکیسویں ایشیئن ایوارڈزکےتحت ان شخصیات کوایوارڈزدئیےجاتےہیں جنہوں نےبرطانوی سرزمین پراپنی فیلڈمیں نمایاں کامیابیاں حاصل کی ہوں ۔

آرٹس اینڈ کلچر کی دنیا سے لے کر شاندار کمیونٹی سروس تک اور انٹرپرینیورشپ سے لے کر میڈیا کے متحرک دائرے تک، یہ ایونٹ ان روشن خیالوں کی عزت افزائی کاوعدہ کرتا ہے جنہوں نے بین الاقوامی اور مقامی دونوں میدانوں میں کامیابی کےنئےمعیارات قائم کیے ہیں۔

اس سال اپنی غیرمعمولی کامیابیوں کی وجہ سے پذیرائی حاصل کرنے والے اسٹینڈ آؤٹ نامزد افراد میں سے ایک ذیشان شاہ ہیں، جو "دی بزنس پرسن آف دی ایئر ایوارڈ” کے لیے اب تک کے سب سے کم عمر شارٹ لسٹ کردہ نامزدفردہیں۔ حیران کن طورپردیگر تمام نامزد افراد ہندوستانی نژاد ہیں جس کی وجہ سے ذیشان شاہ واحد پاکستانی ہیں جنہوں نے اس سال یہ باوقار نامزدگی حاصل کی ہے، یہ ان کے آبائی ملک پاکستان کے لیےیقینی طورپرایک قابل فخرلمحہ ہے۔

ذیشان شاہ ایک برطانوی پاکستانی سیریل انٹرپرینیور ہیں جنہوں نے کاروباری دنیا میں اپنالوہامنوایاہے۔ وہ ون گروپ کے چیئرمین اور بانی ہیں، ایک متنوع عالمی کاروباری گروپ جو بنیادی طور پررئیل اسٹیٹ اوروینچر کیپیٹل کے شعبوں میں کام کرتاہے۔برطانوی معیشت میں ان کی بے پناہ شراکت اور اپنے آبائی ملک پاکستان کے ساتھ تجارتی تعلقات کو مضبوط بنانے کے باعث انہیں معززایوارڈزکیلئےنامزدگیاں کرنےوالےججوں کی جانب سے یہ اعزاز حاصل ہوا۔

ذیشان شاہ نےاس ایوارڈکیلئےنامزدگی پرجیوری کاشکریہ اداکرتےہوئےاسےاپنےلئےاعزازقراردیاہے۔ ایشیئن اچیورزایوارڈکےفاتحین کااعلان 15ستمبرکوکیاجائےگا۔

یہ بھی چیک کریں

registration of traders, shopkeepers

تاجروں اوردکانداروں کی لازمی رجسٹریشن

ویب ڈیسک ۔۔ ٹیکس نیٹ میں اضافےکیلئےایف بی آرکابڑااقدام ۔ دکانداروں اورتاجروں کو ٹیکس نیٹ …