ایک غلط موڑآپ کی زندگی تباہ کردےگا

رانگ ٹرن یعنی غلط موڑ ۔ ہالی وڈ کی مشہورہاررفلم کاٹائٹل ہے۔ رانگ ٹرن کےنام سےبہت سی فلمیں ریلیزہوچکی ہیں ۔ ہرفلم کی کہانی اگرچہ دوسری سےمختلف ہوتی ہےتاہم اپنےٹائٹل کی مناسبت سےسب میں ایک بات مشترک ہےاوروہ یہ کہ کچھ دوستوں کاگروپ سیروتفریح کی غرض سےکسی جنگل یاپہاڑی علاقےکارخ کرتاہےلیکن اپنی منزل پرپہنچنےسےپہلےصرف ایک رانگ ٹرن یعنی غلط موڑلینےکی وجہ سےوہ راستہ بھٹک ایک ایسی جگہ پہنچ جاتےہیں جہاں موجودآدم خوربلائیں ایک ایک کرکےان سب کومارڈالتی ہیں اورمشکل سےکوئی ایک آدھ ہی زندہ بچ پاتاہے۔

دوستو ۔۔ یہ توتھی فلم کی کہانی لیکن حقیقی زندگی میں بھی اگرہم کسی وجہ سےدرست فیصلہ نہ کرسکیں تواس کےنتائج بھگتناپڑتےہیں ۔ یادرکھیں غلط فیصلہ بھی غلط موڑکی طرح آپ کواپنی منزل سےبھٹکاکرکہیں سےکہیں پہنچاسکتاہے۔اس لئےضروری ہےکہ زندگی کےاہم فیصلےہم جلدبازی سےگریزکرتےہوئےخوب سوچ سمجھ کرکریں۔

کیرئیرکافیصلہ

پرانےوقتوں میں اپنےکیرئیرکےبارےمیں فیصلہ کرنامشکل کام تھاکیونکہ اس کام میں بچےسےزیادہ اس کےوالدین اورگھروالوں کاعمل دخل ہوتاتھا۔بچےبھی اتنےسیدھےسادھےہواکرتےکہ والدین کےفیصلےپرچپ چاپ سرجھکادیتے۔ موجودہ دورمیں صورتحال البتہ یکسربدل چکی ہے،اب پڑھےلکھےبچےاکثراپنےکیرئیرکےبارےمیں فیصلہ خودکرتےہیں۔ لیکن اس کامطلب یہ نہیں کہ بچےاپنےبارےمیں جوفیصلہ خودکرتےہیں وہ ٹھیک ہی ہوتاہے۔ فیصلہ چاہےاپنےبارےمیں آپ کریں ، آپ کےوالدین کریں یاآپ مل جل کرکریں،فیصلہ ٹھیک ہوناچاہیے۔

آپ اپنی زندگی میں کیاکرناچاہتےہیں،کم ازکم آج کےدورکاپڑھالکھاانسان کافی حدتک یہ جانتاہے۔ پھربھی ہم آپ کی رہنمائی کیلئےموٹاموٹاگائیڈکئےدیتےہیں ۔

کوشش کریں اپنےلئےاس کیرئیرکوچنیں جسےکرناآپ کوآسان لگےاورجس میں آپ بہترسےبہترکرنےکی خودمیں جستجوپائیں۔

اپنےکیرئیربارےجاننےکاایک اوربیرومیٹریہ بھی ہےکہ وہ کام جس میں آپ کادل لگے،جسےکرنےکوباربارآپ کاجی چاہےاورجس کام کوکرتےوقت آپ زمان و مکان کی حدسےنکل جائیں یعنی جسےکرتےہوئےآپ کووقت کےگزرنےکااحساس نہ ہو۔

معروف موٹیویشنل سپیکرقاسم شاہ کااس بارےمیں کہناہےکہ خودسےبارباریہ سوال کرتےرہیں کہ میں دنیامیں کس لئےآیاہوں؟ یہ سوال باربارکرنےسےایک روزآپ کوضرورجواب ملےگااوریہ جواب جوآپ کواپنےاندرسےملےگاامیدہےآپ کےکیرئیرکوکسی غلط موڑکاشکارہونےسےبچالےگا۔

جیون ساتھی بارےفیصلہ

دیکھاجائےتوکیرئیرکےبعداپنےلئےجیون ساتھی چننےکافیصلہ شایدہماری زندگی کادوسرااہم ترین کام ہوتاہےاوریہ فیصلہ اگرکسی رانگ ٹرن کاشکارہوجائےتویقین جانیں سنگین نتائج بھگتناپڑسکتےہیں ۔ ویسےتوشادی کےبارےمیں اکثرلوگ یہ کہتےہیں کہ شادی انسانی زندگی کاسب سےبڑاجواہوتاہے،جس میں ہاراورجیت کےچانس ففٹی ففٹی ہواکرتےہیں۔ یہ بات ممکن ہےاپنی جگہ درست ہولیکن میرایہ مانناہےکہ جیون ساتھی کوچنتےوقت بھی اگرہم اپنےبزرگوں باالخصوص والدین کی نصیحت و مشورےکواولین حیثیت دیں توزیادہ چانس یہی ہےکہ ہمارافیصلہ درست ہی نکلےگا۔ لیکن اگرکسی وجہ سےیہ غلط بھی ہوجائےتووالدین کی مدداوردعاہروقت آپ کےساتھ ہوگی جوآپ کوبڑےنقصان سےبچالےگی ۔

مختصریہ کہ بھلےشادی ایک جواہےلیکن اگریہ جوابھی ہم مکمل تیاری کےساتھ کھیلیں توہارکےچانسزکم سےکم ہوجائیں گے۔ یادرکھیں کہ زندگی کاصحیح جیون ساتھی زندگی کےکسی صحیح موڑپرہی ملےگا۔