Home / یکم فروری سےبجلی مزیدمہنگی

یکم فروری سےبجلی مزیدمہنگی

Discos to refund 22.5 bn to power consumers

ویب ڈیسک ۔۔ حکومت نے بین الاقوامی قرض دینے والی ایجنسیوں کے ساتھ کیے گئے وعدوں کو پورا کرنے کے لیے یکم فروری سے بجلی کے بنیادی نرخوں میں 95 پیسے فی یونٹ تک اضافے اور’غیر محفوظ صارفین‘کو ایک سلیب کا فائدہ دینے کا فیصلہ کیا ہے۔

اس فیصلے سے پاور سیکٹر کی سبسڈی میں 20 ارب روپے کی کمی ہو جائے گی اور کے الیکٹرک سمیت تمام تقسیم کار کمپنیوں کے لیے اوسط بیس ٹیرف میں 18.75 روپے فی یونٹ تک اضافہ ہو گا۔

اس فیصلے کو باضابطہ طور پر نافذ کرنے کے لیے، نیشنل الیکٹرک پاور ریگولیٹری اتھارٹی (نیپرا) نے پاور ڈویژن کے ٹیرف میں اضافے کی درخواست 24 جنوری کو عوامی سماعت کے لیے کابینہ کی اقتصادی رابطہ کمیٹی (ای سی سی) کی جانب سے منظورکرلی۔

یہ عالمی بینک اور بین الاقوامی مالیاتی فنڈ کے ساتھ حکومت کے تین مرحلوں پر مشتمل پاور سیکٹر سبسڈیزمیں کمی کادوسرامرحلہ ہے۔ ای سی سی نے17 دسمبر کو سبسڈی میں کمی کے دوسرے مرحلے کی منظوری دی تھی۔

ایک سے 700 یونٹس ماہانہ استعمال کرنے والے غیر محفوظ صارفین کے لیے مختلف کیٹیگریز کے لیے ٹیرف آٹھ پیسے سے 95پیسے فی یونٹ تک بڑھےگا۔مزید اضافہ سیلز ٹیکس، فیول پرائس ایڈجسٹمنٹ، سہ ماہی ایڈجسٹمنٹ، فنانسنگ لاگت سرچارج وغیرہ کی شکل میں تمام زمروں پرہوگا۔

ایک سے100یونٹ استعمال کرنے والےغیر محفوظ صارفین کے لیے بنیادی ٹیرف آٹھ پیسے فی یونٹ بڑھ کر 9.50 روپے ہو جائے گا، اس کے بعد 101-200 کے لیے 18 پیسے فی یونٹ بڑھ کر 10.36 روپے اور201سے300یونٹس فی مہینہ استعمال کرنےوالوں کیلئے48 پیسے فی یونٹ بڑھ کر 12.62روپے ہو جائے گا۔

یہ بھی چیک کریں

Imran Khan reaction on audio leak

آڈیولیک:عمران خان کاردعمل آگیا

ویب ڈیسک — امریکی سازش کےبیانئےپراپنی آڈیولیک پرعمران خان کاردعمل سامنےآگیا۔ اسلام آبادمیں ایک سیمینارمیں …