نجی میڈیکل کالجزکی سالانہ فیسوں میں کمی کی سفارش

ویب ڈیسک ۔۔ پاکستان میڈیکل اینڈڈینٹل کونسل نےنجی میڈیکل اینڈڈینٹل کالجزکیلئے18لاکھ روپےسالانہ فیس مقررکرنےکی سفارشات منظوری کیلئےقومی ادارہ صحت کوبھجوادی ہیں ۔

نائب وزیراعظم اسحاق ڈارکی سربراہی میں قائم کمیٹی نےپرائیویٹ میڈیکل اینڈڈینٹل کالجزکےفیس سٹرکچرکاازسرنوجائزہ لینےکی ہدایت کی تھی ۔

وزارت صحت نےفیس کاتعین کرنےکیلئےخصوصی کمیٹی تشکیل دی تھی جس میں وزارت خزانہ اورقانون سمیت دیگرمحکموں کےلوگ شامل تھے۔ خصوصی کمیٹی نےنجی میڈیکل اینڈڈینٹل کالجزکیلئےسالانہ فیس مقررکرنےکی سفارش وزارت قومی صحت اورپاکستان میڈیکل اینڈڈینٹل کونسل کوبھجوادی ہیں۔
پی ایم ڈی سی نےسالانہ 18لاکھ روپےفیس مقررکرنےکی سفارش منظوری کیلئےوزارت قومی صحت کوبھجوائی ہیں۔

وزارت صحت کی تجویزکردہ فیس سٹرکچرکی ڈپٹی وزیراعظم کی سربراہی میں قائم میڈیکل ایجوکیشن کمیٹی سےمنظوری لی جائےگی ۔ میڈیکل ایجوکیشن کمیٹی اوروزارت کی منظوری کےبعدملک بھرکے121نجی میڈیکل اینڈڈینٹل کالجزکی سالانہ بنیادپرداخلہ فیس مقررکی جائےگی ۔

ملک بھرکےتمام پرائیویٹ میڈیکل اینڈڈینٹل کالجزسالانہ 30لاکھ روپےفیس فی طالب علم وصول کررہےہیں ۔

سینیٹ قائمہ کمیٹی قومی صحت نےپی ایم ڈی سی کوطلبہ سےزیادہ لی گئی فیس واپس کرنےکی ہدایت کررکھی ہے۔