عمران خان آج اعتماد کاووٹ لیں گے

پاکستان ڈیموکریٹک موومنٹ نے اعلان کیا ہے کہ وہ سنیچر کو قومی اسمبلی کے اجلاس کا بائیکاٹ کریں گے۔

پی ڈی ایم کے سربراہ مولانا فضل الرحمان نے یہ اعلان جمعے کی شام میڈیا سے گفتگو کرتے ہوئے کیا۔

یاد رہے کہ پاکستان کے صدر عارف علوی نے سنیچر کو قومی اسمبلی کا اجلاس طلب کر رکھا ہے تاکہ وزیرِ اعظم عمران خان ایوان سے اعتماد کا ووٹ حاصل کر سکیں۔

سینیٹ انتخاب میں اسلام آباد کی نشست کو انتہائی اہم مقابلہ تصور کیا جا رہا تھا اور اس میں بظاہر پی ٹی آئی کے اپنے ارکان کی جانب سے حکومت امیدوار حفیظ شیخ کو ووٹ نہ دیے جانے کی وجہ سے سابق وزیرِ اعظم یوسف رضا گیلانی کامیاب ہوئے۔