تاخیرسےگوشوارےجمع کرانےوالوں کیلئےخوشخبری

ویب ڈیسک ۔۔ دیرسےانکم ٹیکس گوشوارےجمع کرانےوالوں کیلئےاچھی اوربری خبر۔ ایف بی آر کاکہناہےتاخیرسےگوشوارےجمع کرانےوالوں کو فعال ٹیکس دہندگان کی فہرست میں شامل کیاجائےگالیکن انہیں سرچارج ادا کرنا ہوگا۔

ایف بی آر نے کہا ہےنئے ٹیکس سال کے لیے مقررہ یا توسیع شدہ تاریخ تک گوشوارے جمع کروانے والے افراد کے نام فعال ٹیکس دہندگان کی فہرست میں شامل کیے جائیں گے، دیر سے جمع ہونے والے گوشواروں پر سرچارج عائدکیاجائےگا۔اس کےبعدان کانام فعال ٹیکس دہندگان کی فہرست میں شامل کرلیاجائےگا۔

نوٹیفکیشن کے مطابق یہ سرچارج انکم ٹیکس آرڈیننس 2001 کے سیکشن 182اے کے تحت لاگو ہوگا، نئی قائم ہونے والی کمپنیاں اور کاروباری ادارے، جن کا گوشوارہ 30 جون کے بعد جمع کرانے کی تاریخ نہیں آئی، ان کے نام فعال ٹیکس دہندگان کی فہرست میں شامل کیے جائیں گے۔

آزاد کشمیر اور گلگت بلتستان کے ریونیو بورڈ میں گوشوارے جمع کرانے والے افراد کے نام بھی فعال ٹیکس دہندگان کی فہرست میں شامل کرلئےجائیں گے۔