ایک اورکیس کےفیصلےکی گھڑی آگئی

ویب ڈیسک ۔۔ 190ملین پاونڈکیس میں عمران خان اوربشریٰ بی بی کےخلاف فیصلےکی گھڑی قریب آگئی ۔ احتساب عدالت کےجج اتوارکےروزاڈیالہ جیل میں کیس کافیصلہ سنائیں گے۔ عدالتی عملےنےباضابطہ طورپربانی پی ٹی آئی کےوکلااوردیگرفریقین کواس حوالےسےآگاہ کردیاہے۔

اس سےپہلےاحتساب عدالت نے 190 ملین پاونڈ ریفرنس کا فیصلہ دو مرتبہ موخرکیا۔ ٹرائل کی آخری سماعت گزشتہ سال 18 دسمبر کو اڈیالہ جیل میں ہوئی۔فیصلہ بانی پی ٹی آئی اور بشری بی بی کی موجودگی میں سنایا جائے گا۔

کیس سےمتعلق چندحقائق
190ملین پاؤنڈ ریفرنس کا جیل ٹرائل ایک سال میں مکمل ہوا، عمران خان کے خلاف یہ واحد کیس ہے جس کا ٹرائل ایک سال تک چلا۔

نیب نے 13 نومبر 2023 کوعمران خان کی گرفتاری ڈالی، 17 دن تک عمران خان سے اڈیالا جیل میں تفتیش کے بعد یکم دسمبر 2023 کو 190 ملین پاؤنڈ ریفرنس احتساب عدالت میں دائرکیا۔

عدالت نے 27 فروری 2024 کو عمران خان اور بشریٰ بی بی پر فرد جرم عائد کی، 190 ملین پاؤنڈ ریفرنس میں ہفتےکو35 گواہان کے بیانات قلمبند کیے گئے۔

190ملین پاؤنڈ ریفرنس میں سابق پرنسپل سیکرٹری اعظم خان، سابق وزیراعلیٰ پرویزخٹک، سابق وفاقی وزیر زبیدہ جلال نے بھی بیان ریکارڈ کروایا۔

190ملین پاؤنڈ ریفرنس میں 4 مرتبہ جج تبدیل ہوئے، سماعت پہلے جج محمد بشیر نے کی پھر سماعت جج ناصر جاوید رانا نے کی اس کے بعد ریفرنس جج محمد علی وڑائچ اور پھر دوبارہ جج ناصرجاوید رانا کے پاس آیا۔