صرف سعودی عرب میں مقیم لوگ ہی حج کرسکیں گے

اپ لوڈ :- منگل 23 جون 2020

ٹوٹل ریڈز :- 186

ویب ڈیسک۔۔

حج کےحوالےسےبڑی خبرآگئی ۔ جی ہاں سعودی حکومت نے اعلان کیا ہے کہ رواں سال صرف سعودی عرب میں مقیم مختلف ممالک کےمسلمان محدودتعدادمیں حج کی سعادت حاصل کرسکیں گے۔ دوسرےملکوں سےکسی کوحج کیلئےسعودی عرب آنےکی اجازت نہیں ہوگی ۔

سعودی وزارت حج وعمرہ کی جانب سے جاری بیان کے مطابق حج کومحدودکرنےکافیصلہ کوروناوائرس کےپھیلاوکےخدشےکےپیش نظرکیاگیاہے۔ بیان میں مزیدکہاگیاہےکہ دوران حج حفاظتی اقدامات کو یقینی بنایا جائے گا اورعازمین کی سلامتی کو یقینی بنانے کے لیے سماجی فاصلہ برقرار رکھا جائے گا تاکہ انسانی جان کے تحفظ سے متعلق اسلامی شریعت کے مقاصد پورے کیے جاسکیں۔

خیال رہے کہ سعودی عرب میں کورونا وائرس کے باعث 1300 سے زائد افراد انتقال کرچکے ہیں جب کہ متاثرہ مریضوں کی تعداد ایک لاکھ اکسٹھ ہزار سے زائد ہے۔

دوسری جانب سعودی حکومت نے کورونا کے باعث لاک ڈاؤن بھی 22 جون سے ختم کردیا ہے جس کے بعد معمولات زندگی بحال ہوگئے ہیں۔

یاد رہے کہ انڈونیشیا اور ملائیشیا پہلے ہی رواں برس اپنے شہریوں کو حج پر نہ بھیجنے کا اعلان کرچکے ہیں۔ بھارت کی جانب سےبھی کچھ ایساہی اعلان سامنےآچکاہے۔