ای اوبی آئی کاریٹائرڈملازمین اوربیوائوں کیلئےبڑااعلان

اپ لوڈ :- سوموار 17 فروری 2020

ٹوٹل ریڈز :- 394

ویب ڈیسک ۔۔

ایمپلائز اولڈ ایج بینیفٹس انسٹی ٹیوشن کا ریٹائرڈ ملازمین اور ان کی بیواؤں کے لیےاہم اوربڑا اعلان ۔۔

ای او بی آئی کے مطابق ریٹائرڈ ملازمین یا ان کی بیوائیں اپنی پنشن کے لیے ای او بی آئی کے رجسٹریشن کارڈ یا پرانے یا نئے قومی شناختی کارڈ نمبر کے ذریعے ای او بی آئی کی ویب سائٹ پرموجود فہرست میں اپنا نام چیک کرسکتے ہیں یا ان دستاویزات کے ساتھ اپنی پنشن کے لیے ای او بی آئی کے نزدیکی دفتر سے رجوع کرسکتے ہیں۔

ای او بی آئی کے اعلان کے مطابق پنشن کی عمر کو پہنچنے والے لیکن لاعلمی کے باعث اب تک اپنی پنشن حاصل نہ کرنے والے ریٹائرڈ ملازمین یا ان کی بیواؤں کے لیے پنشن حاصل کرنے کایہ نادر موقع ہے۔ ای او بی آئی کے اس اقدام سے ہزاروں ریٹائرڈ ملازمین اور ان کی بیواؤں کو پنشن کا حق حاصل ہوگا۔

ای او بی آئی سے تقریباً 4 لاکھ ریٹائرڈ،معذور ملازمین اور ان کی بیوائیں ماہانہ پنشن حاصل کر رہی ہیں جنہیں پنشن کی مد میں اوسطاً ماہانہ 3 ارب روپے کی خطیر رقم ادا کی جارہی ہے جب کہ حکومت نے جنوری سے کم از کم پنشن 8٫500 کرنے کا اعلان کیا ہے۔